نئی دہلی(این این آئی)پاکستان نے 2003ء کا معاہدہ توڑ دیا،یہ کیوں کیاجارہاہے؟بھارتی فوج نے رونا شروع کردیا،بھارتی فوج نے کہاہے کہ بھارت اور پاکستان کی فوجوں کے درمیان مقبوضہ کشمیر کے نوگام سیکٹر میں فائرنگ کا تبادلہ جاری ہے۔غیرملکی خبررساں ادارے کے مطابق بھارتی فوج کے ایک سینیئر افسر نے نام ظاہر نہ کرنے کی شرط پر بتایا کہ پاکستانی فوجیوں نے نوگام کے علاقے میں نصب شب کے قریب فائرنگ کی اور مارٹر گولے بھی فائر کیے، جس کا جواب دیا گیا اور یہ سلسلہ ابھی تک جاری ہے۔ بھارتی وزیراعظم نریندر مودی اپنی سلامتی کابینہ کے ساتھ ایک میٹنگ کر رہے ہیں۔ مودی کے ایک ساتھی نے ہرزہ سرائی کرتے ہوئے کہاکہ پاکستان کی طرف سے 2003ء میں ہونے والے سیز فائر معاہدے کی خلاف ورزی کے معاملے کو ہر سطح پر اٹھایا جائے گا۔