ممبئی(آئی این پی) بالی وڈ اداکار سلمان خان کا کہنا ہے کہ انہوں نے فلم انڈسٹری میں اپنی پہچان بنانے سخت جدوجہد کی ہے۔بھارتی میڈیا کے مطابق سلمان نے1989ء میں فلم ’’میں نے پیارکیا‘‘ سے بطور اداکار اپنے کیریئر کا آغاز کیا تھا۔ سلمان نے کہاکہ یہ وہ دور تھا کہ فلم کے ہٹ یافلاپ سے اس وقت انہیں فرق نہیں پڑتا تھا کیونکہ فلموں کی پیشکش نہیں ہوتی تھی۔ سکرپٹ منتخب کرنے کا، سننے کا کوئی اختیار نہیں تھا۔سلمان نے کہا کہ 28 سال بعد یہ مرحلہ آیا ہے کہ میں سکرپٹ تک تبدیل کروا لیتا ہوں۔ سلمان نے کہا کہ وہ جو کچھ بھی ہوں اپنی جدوجہد سے ہوں۔اس دور کے سپر سٹار جیکی شیروف ، سنی دیول، انیل کپور تھے اور جوکوئی بھی ان کے والد سلیم خان سے مشورہ لینے آتا تھا تو وہ کبھی ہیرو کے لئے سلمان کا نام نہیں لیتے تھے بلکہ مذکورہ اداکاروں کے نام لیتے تھے۔‎