اسلام آباد (خصوصی رپورٹ ) ملک میں سرحدوں پر گہما گہمی کے ساتھ ساتھ سیاسی ماحول میں بھی خوب تیزی کے ساتھ درجہ حرارت میں اضافہ ہوتا جا رہا ہے ۔30ستمبر کو ہونے والے پی ٹی آئی کے رائیونڈ مارچ اور جلسے کیحوالے سے دوونوں سیاسی پارٹیوں میں شدید تنائو اور گرما گرمی پائی جاتی ہے ۔ زعیم فورس ، حمزہ فورس، ڈنڈا بردار فورس ، خواتین کی کفن پوش فورس سمیت ایک دوسرے کو دبائو میں لانے کیلئے دونو ں سیاسی جماعتیں انوکھے سے انوکھا طریقہ کار اختیار کر رہے ہیں ۔ اسی سلسلے میں آج پی ٹی آئی کے ڈی جے ولی سن نے لاہور میں جنونیوں کی مشقیں کروا ڈالیں ۔ حکومت کی طرف سے ممکنہ آنسو گیس ، لاٹھی چارج اور کسی بھی قسم کے تصادم کا مقابلہ کرنے کیلئے کارکنان کو مفید مشورے اور عملی تربیت بھی ادی گئی جبکہ مورال بلند رکھنے کیلئے سیاسی نعرے اور نغمے بھی تیا ر کیے جا رہے ہیں جن کا تڑکہ ڈی جے ولی اس بار خوب لگانے کا ارادہ رکھتے ہیں ۔

موضوعات:پی ٹی آئی