کراچی (مانیٹرنگ ڈیسک) ڈاکٹر عافیہ کی ہمشیرہ ڈاکٹر فوزیہ صدیقی نے انکشاف کیاہے کہ ڈاکٹر عافیہ کے بچوں اوراہلخانہ کا گذشتہ ڈیڑھ سال سے عافیہ سے کوئی رابطہ نہیں ہے ۔ ڈاکٹر عافیہ کے بچے اور اہلخانہ عیدالفطر کے بعد اب عیدالاضحی کے موقع پرعافیہ سے ٹیلی فون پر بات کرنے کے منتظر ہوں گے۔انہوں نے سعودی عرب کی جیلوں میں قید خواتین کی جانب سے حکومت سے مدد کی اپیل کی حمایت کرتے ہوئے کہا ہے کہ سعودی جیلوں سمیت دنیا بھر میں قید پاکستانیوں کو مکمل قانونی معاونت فراہم کی جائے۔ عافیہ موومنٹ میڈیا سیل سے جاری کردہ بیان میں ڈاکٹر فوزیہ صدیقی نے کہا کہ میڈیا کے توسط سے یہ بات علم میں آئی ہے کہ بعض خواتین اپنی سزائیں مکمل کرنے کے باوجود سعودی جیلوںمیں اب تک مقید ہیں۔حکومت ایسی خواتین کی ہر ممکن قانونی مدد کرتے ہوئے انہیں وطن واپس لانے کا بندوبست بھی کرے۔ بیرون ممالک مقیم پاکستانی شہری اپنے سفارتخانوں کی کارکردگی سے مطمئن نہیں ہیں۔عافیہ موومنٹ کو ڈاکٹر عافیہ کے معاملے میں امریکہ میں قائم پاکستانی قونصلیٹ کے عدم تعاون کا تلخ تجربہ رہاہے۔ڈاکٹر عافیہ کے اہلخانہ کا گذشتہ ڈیڑھ سال سے عافیہ سے کوئی رابطہ نہیں ہے ۔ ڈاکٹر عافیہ کے بچے اور اہلخانہ عیدالفطر کے بعد اب عیدالاضحی کے موقع پرعافیہ سے ٹیلی فون پر بات کرنے کے منتظر ہوں گے ۔ ڈاکٹر فوزیہ صدیقی نے وزیر اعظم نواز شریف سے مطالبہ کیا کہ پاکستانی سفیر کو فوری طور پر سعودی جیلوں میں قید خواتین کو مکمل قانونی معاونت فراہم کرنے کے احکامات جاری کریں۔ادھردیگرپاکستانی تنظمیوں نے بھی مطالبہ کیاہے کہ وزیراعظم نوازشریف قوم سے کئے گئے وعدے کہ وہ ڈاکٹرعافیہ صدیقی کوامریکی قیدسے واپس لانے کاوعدہ پوراکریں ۔تنظیموں کاکہناہے کہ موجودہ حکومت کوساڑھے تین کاعرصہ ہوچکاہے لیکن موجودہ حکمرانوں نے قوم کی بے گناہ بیٹی کی رہائی کےلئے کچھ نہیں کیاجوکہ بڑے دکھ کی بات ہے اورہرعید پرپاکستانی قوم کوڈاکٹرعافیہ صدیقی کی قیدکاغم رہتاہے ۔

موضوعات:ڈاکٹرعافیہ فوزیہ صدیقی