مانچسٹر( آن لائن )پاکستان نے انگلینڈ کے خلاف واحد ٹی ٹونٹی میچ کے لیے ٹیم کو حتمی شکل دے دی ،ٹیم میں کم سے دو تبدیلیاں۔تفصیلات کے مطابق انگلینڈ کے ہاتھوں ون ڈے سیریز 1۔4 سے گنوانے والی ٹیم سرفراز احمد کی زیر قیادت نئے دور کا واحد ٹی ٹونٹی میچ سے کرے گی،ٹیم کی کمان سرفراز احمد کے ہاتھوں میں آگئی، ون ڈے سیریز میں اچھے سٹرائیک ریٹ سے ٹاپ سکورر کے طور پر متاثر کن کارکردگی پیش کرنے والے وکٹ کیپر بیٹسمین قیادت سونپے جانے کے بعد پہلے امتحان سے گزریں گے مہمان ٹیم کو ناقابل اعتبار نظر آنے والے شرجیل خان کے ساتھ اظہر علی کی جگہ انگلینڈ میں پہنچنے والے خالد لطیف سے بھی اچھے آغاز کی امیدیں وابستہ ہوگئی ہیں کپتان بیٹنگ آرڈر میں تبدیلی کرکے اوپنر بھی آسکتے ہیں اس کے علاوہ عمر گل کی جگہ سہیل تنویر کو ٹیم میں شامل کرلیا گیا ہے ٹیم میں سرفراز احمد کپتان ، شرجیل خان ، خالد لطیف ، سہیل تنویر ، شعیب ملک ، عماد وسیم محمد عامر ، حسن علی ، محمد رضوان ، محمد نواز اور بابر اعظم ٹیم کا حصہ جبکہ عماد بٹ اور وہاب ریا ض ریزرو کھلاڑی ہیں