لندن(مانیٹرنگ ڈیسک) قومی ٹیم کے سابق کپتان شاہد خان آفریدی ٹی ٹوئنٹی ٹیم کے کپتان سرفرازاحمد کی کامیابی کیلئے نیک تمنائوں کا اظہار کیا ہے ، اور کہا ہے کہ امید کر تا ہوں کہ سرفراز اچھی کار کردگی دیں ، انہوں نے کہا ہے کہ ‘میری دعائیں سرفرازاحمد کیساتھ ہیں وہ بہت اچھا کھیل رہے ہیں ۔شاہد آفریدی نے سرفرازاحمد کی تعریف کی ہے اور کہا ہے کہ انھوں نے ایک روزہ کرکٹ میں اچھی کار کردگی کو برقرار رکھا ہے اور وہ اسی تناسب کو ٹی ٹوئنٹی میں بھی برقرار رکھیں گے۔
شاہد آفریدی نے سرفراز پیغام دید یا ہے کہ پاکستانی ٹیم جتنی کم گیندوں کو ضائع کرے گا اتنا اچھا سکور ہو گا، ٹیم کی کوشش ہونے چاہے کہ کھلاڑیوں کو کوشش کرنی ہو گی کہ مخالف ٹیم سے زیادہ سے زیادہ گیندیں ضائع کروائے ، بوم بوم کا کہنا تھا کہ ‘سرفرازکا رویہ جارحانہ ہے اور کھیلتے بھی جارحیت سے ہیں، میں نے انھیں ڈومیسٹک کرکٹ میں کپتانی کرتے ہوئے دیکھا ہے اور بطورکرکٹر میراماننا ہے کہ وہ بہتر نتائج دیں گے۔یاد رہےکہ پاکستان ٹیم انگلینڈ کے خلاف واحد ٹی ٹوئنٹی آج اولڈ ٹریفورڈ میں کھیلا جائے گا۔