لاہور( مانیٹرنگ ڈیسک)چیئر مین پی سی بی شہریار خان نے ون ڈے کپتان اظہر علی کو فور ی طور پر کپتانی سے برطرف کرنے کا امکان مسترد کردیا،ان کا کہنا تھا کہ شکستوں کے تنہا ذمہ دار کپتان نہیں ،یہ ذمہ داری ہر کھلاڑی پر عائد ہوتی ہے۔ تفصیلات کے مطابق پی سی بی کے سربراہ شہریارخان نے ون ڈے کپتان کی حمایت میں آوا ز اٹھا دی ، ان کا کہنا تھا کہ پی سی بی بھی ون ڈے ٹیم کی بہترین کاکردگی دیکھنے کی خواہاں ہے لیکن بہتری ایک رات میں نہیں آسکتی اس میں کچھ وقت لگے گا ممکن ہے ٹاپ ٹیموں میں شامل ہونے کیلئے دو سے تین سال لگ جائیں ان کا مزید کہنا تھا کہ اظہر علی عمدگی سے ٹیم کی قیادت کررہے ہیں ہم انہیں قیادت سے ہٹانے کی بجائے یہ موقع دینگے کہ وہ اپنی کپتانی بہتر کرکے مثبت نتائج فراہم کریں ٹیم کی حالیہ ناکامیوں کے ذمہ دار اظہر علی نہیں بلکہ ہر کھلاڑی اپنے کئے کا ذمہ دار ہے اور اس بارے سیریز اختتام کے بعد سوچا جائے گا .