کراچی(این این آئی)امجد صابری قتل کیس میں اہم پیش رفت ہوئی ہے،قانون نافذ کرنے والے ادارے نے ایک مزیدملزم فہیم اختر عرف کٹ دانہ کو حراست میں لے لیا ہے،ملزم کو سی سی ٹی وی میں امجد صابری کا پیچھا کرتے اور جائے واردات کی نگرانی کرتے دیکھا جا سکتا ہے۔ معروف قوال کا گھر سے پان کی دوکان اور جائے وقوع تک پیچھا کرنے والے اور واردات کی نگرانی کرنے والے ملزم فہیم اختر عرف کٹ دانہ کو قانون نافذ کرنے والے ادارے نے گرفتار کر لیا ہے۔ ذرائع کے مطابق فہیم اختر کو پہلے سے زیر حراست ملزمان کی جانب سے فراہم کردہ معلومات اور سی سی ٹی وی کی مدد سے گرفت میں لیا گیاہے۔قتل کے ماسٹر مائنڈ زیر حراست شہزادعرف ملا کی تشکیل کردہ ٹیم میں فہیم اختر عرف کٹ دانہ بھی شامل تھا، جس کو مقتول کا پیچھا کرنے اور واردات کی نگرانی کی ہدایت ملی تھی۔