نئی دہلی(آن لائن) بھارت کی بے بسی،اصل ’’تکلیف‘‘ ظاہر ہوگئی،ترجمان وزارت خارجہ حواس باختہ،بھارتی وزارت خارجہ کے ترجمان وکاس سوراپ نے کہا ہے کہ پاک چین اقتصادی راہداری منصوبہ پاکستان کے زیر انتظام کشمیر سے گزرتا ہے۔ کشمیر بھارت کا اٹوٹ انگ ہے۔ پاکستان اقوام متحدہ کو جتنے بھی خط لکھے مقبوضہ کشمیر کی زمینی صورتحال تبدیل نہیں ہو سکتی ہے۔ غیر ملکی خبررساں ایجنسی رپورٹ کے مطابق بھارتی وزارت خارجہ کے ترجمان کا کہنا ہے کہ پاکستان کے زیر انتظام کشمیر بھارت کا اٹوٹ انگ ہے پاک چین اقتصادی راہداری کشمیر سے گزرتی ہے ، یہ علاقہ متنازعہ ہے۔ پاکستان کی مرضی ہے کہ پاکستان اقوام متحدہ کو کشمیر کے معاملے پر جتنے خطوط لکھے کشمیر کی زمینی صورتحال تبدیل نہیں ہو سکتی ہے۔