واشنگٹن(مانیٹرنگ ڈیسک) پاکستان کیلئے نیا ”لالی پاپ“بھارت سے دوستی بڑھانے کے بعد امریکہ نے پاکستان کیلئے دنیا سے حیرت انگیز مطالبہ کرڈالا،امریکی وزیر خارجہ جان کیری نے دنیا سے پاکستان کے لئے ڈو مور کا مطالبہ کر دیا۔ انہوں نے کہا کہ دنیا کو چاہئے کہ وہ دہشتگردی کے خلاف جنگ میں پاکستان سب سے زیادہ نقصان اٹھانے والا ملک ہے دنیا کو چاہئے کہ وہ پاکستان کے کردار کو سمجھتے ہوئے اس جنگ میں پاکستان کی مدد کرے۔ تفصیلات کے مطابق امریکی وزیر خارجہ کا کہنا تھا کہ دہشت گردی کے خلاف جنگ میں پاکستان کے اقدامات قابل قدر ہیں۔ پاکستان نے دنیا کو دہشت گردی سے بچانے کے لئے مختلف دہشت گرو گروہوں کے خلاف بہت سنجیدگی سے اقدامات کیے ہیں۔ ان کا مزید کہنا تھا کہ ہم نے اسلام آباد پر واضح ک دیا ہے کہ دہشت گردوں کے خاتمے کے لئے مزید سختی وار عزم کے ساتھ کام کرنا ہو گا۔ ان کا کہنا تھا کہ دہشت گردی کے خلاف جنگ میں پاکستان کو امریکہ کے ساتھ مل کر کام کرنا ہو گا۔ امریکی وزیر خارجہ کا کہنا تھا کہ اگر حقیقت پسندانہ نظر سے دیکھا جائے تو دہشت گردی کے خلاف جنگ میں پاکستان نے سب سے زیادہ نقصان اٹھایا ہے اور دہشت گردوں کے قدم اکھاڑنا ایک نہایت مشکل امر ہے جس میں پاکستانی حکومت انتہائی سنجیدہ نظر ا?تی ہے۔ اس لئے دنیا کے باقی ممالک کو چاہے کہ وہ اس صورتحال کو سمجھتے ہوئے پاکستان کی مدد کریں اور اس جنگ میں پاکستان کے کردار کو سراہیں۔ان کا مزید کہنا تھا کہ حقانی نیٹ ورک اور دیگر معاملات سے متعلق پاکستانی حکام کے ساتھ مسلسل رابطہ میں ہیں۔ امریکی وزیر خارجہ کا یہ بیان ایسے وقت میں سامنے آیا ہے جب امریکہ اور بھارت کی جانب سے ایک مشترکہ اعلامیہ میں ممبئی حملوں اور پٹھان کوٹ حملے سے متعلق تحقیقات بھارت کے حوالے کرنے کا مطالبہ کیا گیا ہے۔