اسلام آباد (مانیٹرنگ ڈیسک) وزیر اعظم محمد نواز شریف کل شیخوپورہ کے علاقہ کا لاشاہ کاکو جائیں گے جہاں وہ وفاقی وزیر دفاعی پیداوار اینڈ سائنس وٹیکنالوجی را نا تنویر حسین کے ہمراہ لا ہو ر ایسٹرن کا لا شاہ کا کو با ئی پا س کا سنگ بنیاد رکھیں گے اور شیخوپورہ کی تعمیر و ترقی کے لئے تا ریخی پیکج کا اعلان بھی کرینگے وزیراعظم کے دورہ کی فول پروف سکیورٹی اور دیگر انتظامات مکمل کر لئے گئے ہیں ذرائع کے مطابق وزیر اعظم محمد نواز شریف شام 4بجے کا لا شاہ کا کو میں ایک بڑ ے عوامی اجتما ع سے خطاب اور ارکان اسمبلی سے ملاقات بھی کرینگے ۔
علاوہ ازیں وزیراعظم نواز شریف آج سبی میں نوتعمیر شدہ سبی کوہلو روڈ کاافتتاح کریں گے،جبکہ گوادر میں سی پیک سے متعلق اہم منصوبوں کا افتتاح اور سنگ بنیاد رکھیں گے۔سرکاری اعلامیہ کے مطابق وزیر اعظم میاں نواز شریف آج ایک روزہ دورے پر سبی آئیں گے،جہاں وہ نوتعمیر شدہ سبی کوہلو روڈ کا افتتاح اور قبائلی عمائدین سے خطاب کریں گے۔وزیر اعظم سبی سے گوادر جائیں گے،گوادر میں سی پیک سے متعلق اہم منصوبوں کا افتتاح اور سنگ بنیاد رکھیں گے۔

موضوعات:نواز شریف