لاہور(مانیٹرنگ ڈیسک )قومی ٹیم کے سابق کپتان وسیم اکرم نے انکشاف کیا ہے کہ انہوں نے 1999ء میں دورہ بھارت کے دوران شعیب اختر کو ہوٹل کے نیچے موجود نائٹ کلب میں ڈانس کرتے ہوئے پکڑا تھا۔نجی ٹی وی شو میں گفتگو کرتے ہوئے وسیم اکرم نے سپیڈ سٹار شعیب اختر سے گفتگو کرتے ہوئے انہیں یاد دلایا کہ 1999ء میں کولکتہ ٹیسٹ کے دوران وہ تاج ہوٹل میں ٹہرے ہوئے تھے جس کے نیچے ایک نائٹ کلب بھی تھا،
انہوں نے شعیب کو کہا کہ جو مرضی کرنا لیکن نائٹ کلب میں نہ جانا جس پر شعیب اختر نے ازراں مذاق میں کہا کہ وسیم بھائی میں بار نہیں گیا تھا بس وہاں شفٹ ہوا تھا وسیم اکرم کا کہنا تھا وہ کھانا کھانے وہاں گئے تھے اور کان سے پکڑ کر ان کو واپس لائے تھے جس پر شعیب اختر کا کہنا تھا کہ آدھی ٹیم اس وقت وہاں موجود تھی لیکن پکڑا صرف میں گیا وسیم اکرم نے کہا وہ لوگ چھپ گئے تھے اور تم شرٹ پہن کر وہاں ڈانس کررہے تھے اس لئے پکڑے گئے ۔