لندن(آئی این پی)برطانیہ کے دارالحکومت لندن میں متحدہ قومی موومنٹ کے قائد الطاف حسین کی رہائش گاہ کے باہر پاکستانیوں نے احتجاجی مظاہرہ کیا اور پاکستان زندہ باد کے نعرے لگائے۔تفصیلات کے مطابق ہفتہ کو لندن میں متحدہ قومی موومنٹ کے قائد الطاف حسین کی رہائش گاہ کے باہر پاکستانیوں نے احتجاجی مظاہرہ کیا۔مظاہرین نے ہاتھوں میں کتبے اور پاکستانی پرچم اٹھا رکھے تھے۔کتبوں پر پاکستان زندہ باد اور الطاف حسین کے خلاف نعرے درج تھے۔مظاہرین نے پاکستان زندہ باد،جیوے جیوے پاکستان کے نعرے لگائے۔واضح رہے کہ متحدہ قومی موومنٹ کے قائد الطاف حسین نے کراچی پریس کلب کے باہر ایم کیوایم کے دھرنے میں خطاب اور امریکہ میں کارکنوں سے خطاب کے دوران پاکستان کے خلاف ہرزہ سرائی کی تھی۔

موضوعات:الطاف حسین