اسلام آباد(مانیٹرنگ ڈیسک ) محکمہ موسمیات نے ملک کے بیشتر علاقوں میں موسم گرم اور مرطوب رہنے کی پیشگوئی کردی تاہم میر پور خاص، ٹھٹہ، شہید بے نظیر آباد،سکھر، ڑوب،بہاولپور،گوجرانوالہ، لاہور ڈویڑن اور کشمیر میں چند مقامات پر تیز ہواؤں اور گرج چمک کیساتھ بارش کا امکان ہے۔محکمہ موسمیات نے کہا کہ آئندہ 48گھنٹوں میں میر پور خاص، ٹھٹہ، شہید بے نظیر آباد،سکھر، لاڑکانہ، بہاولپور ڈویڑن میں کہیں کہیں جبکہ ڑوب، سبی، قلات ، نصیر آباد، گوجرانوالہ، لاہور ، ساہیوال، راولپنڈی ڈویڑن اور کشمیر میں چند مقامات پر تیز ہواؤں اور گرج چمک کیساتھ بارش کا امکان ہے۔تاہم ملک کے دیگرعلاقوں میں موسم گرم اور مرطوب رہے گا۔گزشتہ 24 گھنٹوں میں ملک کے بیشتر علاقوں میں موسم گرم اور مرطوب رہا تاہم سب سے زیادہ بارش چھور 36، اسلام کوٹ33، ڈپلو 21، نگر پارکر13، میر پور خاص 13، ڈھا ہلی12،مٹھی10، چھاچھرو07،بدین01، پارہ چنار 05، بارکھان میں 05 ملی میٹر ریکارڈ کی گئی۔