ممبئی (این این آئی)بالی ووڈ کے سپر سٹار سلمان خان اور منی ایک بار پھر ان کے ساتھ جلوہ گر ہوں گی۔ بالی ووڈ کی مشہور فلم بجرنگی بھائی جان کو کون بھول سکتا ہے جس میں سلمان خان نے پون کا لافانی کردار ادا کیا تھا۔ اس فلم میں ایک بچی ہرشالی ملہوترا نے منی کا کردار ادا کرکے لاکھوں دلوں میں اپنا گھر کر لیا تھا۔ برصغیر پاک وہند کے فلمی شائقین نے اس فلم کو بہت پسند کیا تھا۔ خاص طور پر منی کی معصومیت نے سب کے دلوں میں گھر کر لیا تھا۔ بھارتی میڈیا کے مطابق سلمان اور ہرشالی ایک بار پھر جلوے بکھیرنے کو تیار ہیں۔سلمان اور ہرشالی نے گزشتہ دنوں ممبئی میں ایک اشتہار کی شوٹنگ میں حصہ لیا۔ ہرشالی کی والدہ نے اس اشتہار کے بارے میں کسی قسم کی خبر دینے سے معذرت کی تاہم انہوں نے اس بات کی تصدیق کی کہ سلمان اور ہرشالی جلد ہی ایک اشتہار میں اکھٹے جلوہ گر ہونگے۔ ہرشالی ملہوترا نے سماجی رابطوں کی ویب سائٹ ٹویٹر پر سلمان کے ساتھ اپنی تصاویر شیئر کی ہیں۔

موضوعات:سلمان خان