لاہور( آن لائن ) تحریک انصاف کی تنظیم ساز ی کے دوران عہدہ نہ ملنے پر پارٹی قیادت سے ناراض ہو کر معروف گلوکار عطاء اللہ خان عیسیٰ خیلوی لندن چلے گئے۔ میڈیا رپورٹ کے مطابق معروف گلو کار عطاء اللہ خان عیسیٰ خیلوی جو اکثر تحریک انصاف کے جلسوں میں اپنے گانوں سے شرکاء کو گرماتے ہیں، ان کو تحریک انصاف میانوالی کا صدر بنانے کا مطالبہ کیا گیا تھا لیکن یہ عہدہ نہ ملنے پروہ ناراض ہو گئے۔ واضح رہے عطااللہ خان عیسیٰ خیلوی تحریک انصاف کے انٹرا پارٹی الیکشن میں بھی ضلعی صدارت کے امیدوار تھے لیکن بعد میں یہ الیکشن منسوخ ہو گئے تھے۔