واشنگٹن(این این آئی)مریکی محکمہ خارجہ کی ترجمان الزبتھ ٹروڈو نے نریندر مودی کے پاکستان سے متعلق بیان پر تبصرے سے گریز کرتے ہوئے کہا ہے کہ کشمیر سے متعلق ہمارے موقف میں تبدیلی نہیں آئی ہے ۔ امریکا مسئلہ کشمیر کے پر امن حل کی کوششوں کی حوصلہ افزائی کرتا ہے تاہم اس معاملے کے پر امن حل کے لیے تمام فریقین کو مل کر کوشش کرنا ہوگی،دہشت گردی کے خلاف جنگ میں پاکستان امریکا کا اہم اتحادی ہے، پاکستان کے ساتھ بہتر تعلقات امریکا کے مفاد میں ہے جب کہ کانگرس کمیٹی کی جانب سے پاکستان کو دی جانے والی فوجی امداد روکے جانے پر اتفاق نہیں کرتے۔ پاکستان دہشت گردی سے بہت زیادہ نقصان اٹھا چکا ۔غیرملکی خبررساں ادارے کے مطابق ترجمان امریکی محکمہ خارجہ نے پریس بریفنگ دیتے ہوئے کہاکہ مسئلہ کشمیر پر پاکستان اور بھارت کے تمام مثبت اقدامات کی حمایت کرتے ہیں۔ الزبتھ ٹروڈو نے کہا کہ مقبوضہ کشمیر میں بھارتی مظالم پرتشویش ہے۔انھوں نے بتایاکہ امریکا مسئلہ کشمیر کے پر امن حل کی کوششوں کی حوصلہ افزائی کرتا ہے تاہم اس معاملے کے پر امن حل کے لیے تمام فریقین کو مل کر کوشش کرنا ہوگی،ان کا کہناتھا کہ مقبوضہ کشمیر کے مسئلے پر مذاکرات جلد ہونے چاہئیں، بھارت میں انسانی حقوق کی خلاف ورزیوں کا نوٹس لیا جائے۔ بھارت اقلیتوں کی مذہبی آزادی کو یقینی بنائے، بھارت میں گوشت کھانے پر تشدد کا نشانہ بنانا بھی انتہائی افسوس ناک ہے۔ انہوں نے کہا کہ امریکا کو مقبوضہ کشمیر میں مظاہرین پر پیلٹ گن کے استعمال پر تشویش ہے۔ترجمان امریکی محکمہ خارجہ کا مقبوضہ کشمیر کے حوالے سے کہنا تھا کہ امریکا نے کشمیر کے حوالے سے اپنی پالیسی تبدیل نہیں کی، کشمیر کا مسئلہ پاکستان اور بھارت دونوں کو مل کر حل کرنا ہے ،ایک سوال کے جواب میں ترجمان کا کہناتھا کہ دہشت گردی کے خلاف جنگ میں پاکستان امریکا کا اہم اتحادی ہے، پاکستان کے ساتھ بہتر تعلقات امریکا کے مفاد میں ہے جب کہ کانگرس کمیٹی کی جانب سے پاکستان کو دی جانے والی فوجی امداد روکے جانے پر اتفاق نہیں کرتے۔ ان کا کہنا تھا کہ پاکستان دہشت گردی سے بہت زیادہ نقصان اٹھا چکا ۔واضح رہے کہ مقبوضہ کشمیر میں تحریک آزادی کے نوجوان رہنما برہان مظفر وانی کی شہادت کے بعد شروع ہونے والے مظاہروں میں بھارتی فوج کے ہاتھوں اب تک 60 کشمیری شہید اور 1500 سے زائد زخمی ہو چکے ہیں۔ بھارتی فوج نے مقبوضہ وادی میں مسلسل کرفیو نافذ کر رکھا ہے۔