اسلام آباد(مانیٹرنگ ڈیسک ) سابق بھارتی کپتان اظہر الدین کا کہنا ہے کہ انہیں یونس خان کی جانب سے انگلینڈ کیخلاف پہلے تین ٹیسٹ میچز میں رنز سکور کرنے میں درپیش مشکلات پر شدید تکلیف ہورہی تھی جس کے باعث انہوں نے پاکستانی بلے باز کو فون کرنے کا فیصلہ کیا۔ بھارتی میڈیا سے گفتگو میں اظہرالدین کا کہنا تھا یونس خان میرا بہت اچھا دوست ہے جس سے اکثر ملاقات رہتی ہے حالیہ انگلینڈ سیریز میں مجھے یونس خان کو رنز کیلئے جدوجہد کرتا دیکھ کر بہت تکلیف ہورہی تھی اسی وجہ سے میں نے اسے فون کرکے کریز پر کھڑا رہنے کا مشورہ دیا اور یونس نے میرا مشورہ قبول کیا اور نتیجہ آپ کے سامنے ہے۔