ممبئی( مانیٹرنگ ڈٖیسک) اپنے متازعہ بیانات اور سستی شہرت حاصل کرنے کے نت نئے طریقوں سے میڈیا میں رہنے ولی بالی ووڈ اداکارہ راکھی ساونت نے کہا ہے کہ انہیں نریندر مودی سے محبت ہے جس کی وجہ سے انہوں نے مودی کی تصاویر والا لباس زیب تن کیا تھا۔اپنے ایک بیان میں راکھی ساونت کا کہنا تھا کہ بھارتی وزیر اعظم نریندر مودی میرے آئیڈیل ہیں اور میں ان سے محبت کرتی ہوں۔ ان کی توجہ حاصل کرنے کیلئے میں نے ان کی تصاویر والا لباس پہنا تھا۔ راکھی ساونت نے عزم ظاہر کیا کہ وہ عنقریب نریندر مودی کی تصاویر والی ساڑھی بنوا کر بھی پہنیں گی۔ واضح رہے کہ گزشتہ دنوں اداکارہ راکھی ساونت نے بھارتی جشن آزادی کی ایک تقریب میں وزیر اعظم نریندر مودی کی تصاویر والا لباس پہنا تھا ۔