ممبئی (آئی این پی)بالی ووڈ اداکارہ سونا کشی سنہا نے اپنی منگنی کی خبروں کی تردید کر دی ہے۔انھوں نے ایک بیان میں اپنے پرانے دوست بنٹی سچ دیو کے ساتھ منگنی ہونے کی خبروں کی تردید کرتے ہوئے کہا ہے کہ نہ جانے یہ بے سروپا باتیں کون اڑاتا ہے۔ان کی کسی سے منگنی نہیں ہوئی ہے اگر کسی کو ذرا سا بھی شک ہے تو وہ وہیں رک جائے۔سوناکشی نے طنزیہ انداز میں کہاکہ میڈیا کا شکریہ جنہوں نے میرے مستقبل کے منصوبوں کی اطلاع میرے خاندان والوں اور دوستوں کو دی۔سلمان خان کے ساتھ دبنگ سے شہرت حاصل کرنے والی شتروگن سنہا کی صاحبزادی ان دنوں اپنی نئی مووی اکیرا کی پروموشن میں مصروف ہیں۔