ممبئی (این این آئی) پاکستان کی معروف اور خوبرو اداکارہ ماہرہ خان اپنی صلاحیتوں کی وجہ سے نہ صرف پاکستان بلکہ بھارت میں بھی بہت مقبول ہیں ۔ ماہرہ نے بالی وڈ سپر سٹار شاہ رخ خان کے ساتھ فلم رئیس میں بھی کام کیا ہے ۔ماہرہ پہلی پاکستانی اداکارہ ہیں جن کو شاہ رخ خان کے ساتھ کام کرنے کا موقع ملا ہے،اس سے پہلے پاکستان کی کسی اداکارہ کو یہ اعزاز حاصل نہیں ہوا ۔ماہرہ کا شاہ رخ خان کے حوالے سے بات کرتے ہوئے کہنا ہے عوام میں بے پناہ مقبولیت کی وجہ سے وہ ایک بہت بڑے سپر اسٹار ہیں لیکن فلم کے سیٹ پر وہ صرف اداکارہوتے ہیں ، وہ کبھی بھی آپ کو احساس نہیں ہونے دیتے کہ وہ بہت بڑے سپر اسٹار ہیں،ان میں غرور نہیں ہے ، وہ بالکل ایک عام انسان کی طرح سب سے پیش آتے ہیں ۔ ماہرہ کا کہنا تھا کہ یہ ایسی چیز تھی جو میں شاہ رخ خان سے شوٹنگ کے دوران سیکھی ۔