ممبئی (مانیٹرنگ ڈیسک)بالی ووڈ کے مشہور اداکار سلمان خان سپرہٹ فلم ریس کے تیسرے حصے میں کام کرتے نظر آ سکتے ہیں۔ بھارتی میڈیا کے مطابق ہدایتکار عباس مستان اپنی سپر ہٹ فلم ریس کا تیسرا سیکول بنانا چاہتے ہیں۔ خبریں ہیں کہ ریس کے تیسرے حصے میں عباس مستان سلمان خان کو مرکزی کردار میں لینا چاہتے ہیں۔ اس کے لئے عباس مستان، ان سے مسلسل رابطے میں ہیں تاہم سلمان نے ابھی تک اس پر کوئی ردعمل ظاہر نہیں کیا ہے۔ سلمان خان ان دنوں کبیر خان کی فلم ٹیوب لائٹ کی شوٹنگ کر رہے ہیں۔ اس فلم سے فرصت ملتے ہی سلمان اگلی فلم کے بارے میں فیصلہ کریں گے۔ ٹیوب لائٹ کی شوٹنگ سے فرصت پاتے ہی وہ اس فلم کی سکرپٹ پڑھنے والے ہیں اور اگر سلمان کو سکرپٹ پسند آ جاتی ہے تو ریس 3 کی سٹار کاسٹ زبردست ہوگی۔ واضح رہے کہ ریس اور ریس 2 میں سیف علی خان نے مرکزی کردار ادا کیا تھا۔

موضوعات:سلمان خان