ایمسٹر ڈیم (نیوز ڈیسک ) ڈچ رئیلٹی شو کے دوران خطر ناک اسٹنٹ پیش کرکے اپنی بہادری کا مظاہرہ پیش کر نے والی لڑکی پر سانپ نے حملہ کر دیا ۔اس لڑکی نے جنگل کے قدر تی ماحول میں رکھے ڈبے میں سے دیو ہیکل خطر ناک سانپ کو پکڑ کر باہر نکالنے کیلئے جیسے ہی اس ڈبے کے اندراپنا ہاتھ ڈالا تو سانپ نے اس کے ہاتھ پر کاٹ لیا اور پھر دیکھتے ہی دیکھتے پورے بازو میں کے ساتھ لپٹ گیا ۔خوف اور تکلیف سے چیخیں مارتی اس لڑ کی کو دیکھ کر رئیلٹی شو کی دیگر خاتون شر کاءبھی خوف میں مبتلا ہوگئیں۔ پروگرام کے سیٹ پر موجود افراد اس لڑکی کی مدد کو پہنچے اور ایک کٹھن مرحلے کے بعد سانپ کی گرفت سے اسے بچاکر فوراً طبی امداد کےلئے ہسپتال پہنچایا