ممبئی( آن لائن ) بالی ووڈ کی باربی ڈول کترینہ کیف کی سماجی رابطے کی ویب سائٹ فیس بک پر انٹری کے پیچھے ان کے سابق گہرے دوست سلمان خان کا ہاتھ ہے۔بھارتی میڈیا رپورٹس کے مطابق بالی ووڈ باربی ڈول کترینہ کیف سوشل میڈیا سے کوسوں دور تھیں لیکن کچھ روزقبل انہوں نے اپنی سالگرہ کے موقع پرسوشل میڈیا ویب سائٹ فیس بک پردھماکے دارانٹری کی جس کے بعد ان کے مداحوں کا فیس بک پیج پرتانتا بن گیا اور چند روز میں ہی 45 لاکھ سے زائد افراد ان کے پیج کو لائک کرچکے ہیں۔ اداکارہ کے اچانک سوشل میڈیا پر آنیکے حوالے سے بھی اب راز افشا ہوگیا اور خبر یہ ہے کہ بالی ووڈ سپر اسٹار اور کترینہ کے گہرے دوست سلمان خان نے ہی انہیں مشورہ دیا تھا کہ وہ فیس بک کا حصہ بنیں، سلو میاں کے مشورے پر کترینہ نے عمل کیا تو ان کے فیس بک پیج پر مداحوں کا تانتا بن گیا جس پر اداکارہ بے حد خوش ہیں۔