اسلام آباد(خصوصی رپورٹ) بالی ووڈ کی بلاک بسٹر فلم ’سلطان‘ اگرچہ سٹوری کاپی کرنے پر کافی تنقید کا نشانہ بنی رہی ہے لیکن فلم بینی کے شوقین افراد نے ’سلطان ‘ کو نہ صرف کامیاب کروایا بلکہ اسے تاریخی بزنس کرنے والی فلموں میں لا کھڑا کیا۔ فلم سلطان پر جہاں ایک دوسری فلم کی کہانی چوری کرنے کا الزام عائد کیا گیا وہیں پاکستان کی عالمی شہرت یافتہ مقبول شخصیت عمران خان کے مشہور الفاظ کو کاپی کیا گیا جسے سلمان خان نے ’’رنگ‘‘ میں ادا کیا۔
سلمان خان نے فلم سلطان میں ایک موقع پر ڈائیلاگ ادا کیا تھا کہ ’’کوئی شخص اس وقت تک ہار نہیں سکتا جب تک وہ ہار نہ مان لے‘‘ ۔ فلم’سلطان‘ میں سلمان خان نے جو ڈائیلاگ ادا کیا وہ عمران خان کا NA-122 کے ضمنی انتخابات کے موقع پر مشہور جملہ تھا۔ عمران خان نے تحریک انصاف کے جلسے سے خطاب کرتے ہوئے ایک دوسرے ڈائیلاگ میں کہا تھا کہ ’’تمہیں تب تک کوئی نہیں ہرا سکتا‘ جب تک تم اپنے آپ سے نہ ہار جاؤ‘‘۔عمران خان کے دوسرے ڈائیلاگ کو سلمان خان نے ’رنگ‘ میں فائنل فائٹ کے موقع پر ادا کیا ہے۔