لاہور(نیوز ڈیسک)الیکشن ٹریبونل نے این اے 122دھاندلی کیس میں چیئرمین تحریک انصاف عمرا ن خان اورسپیکر قومی اسمبلی ایاز صادق کے وکلاءکو 27فروری کو حتمی بحث کرنے کا حکم دے دیا۔الیکشن ٹریبونل کے جج کاظم ملک نے ووٹوں کی تصدیق انگوٹھوں کے نشان کے ذریعے نادرا سے کروانے کی درخواست پر سماعت کی جس دوران سپیکر قومی اسمبلی ایاز صادق کے وکیل نے جواب جمع کروا دیا۔ایاز صادق کے وکیل نے عدالت میں موقف اپنایا کہ تھیلے کھل چکے ہیں اس لیے ووٹوں کی تصدیق نادرا سے کرانے کا کوئی جواز نہیں بنتا۔الیکشن ٹریبونل کے جج نے عمرا ن خان اور ایاز صادق کے وکیل کو 27مارچ کو حتمی بحث کا حکم جاری کرتے ہوئے سماعت ملتوی کر دی۔