لاہور (این این آئی)قومی ٹیم کے آف اسپنر سعید اجمل نے کہا ہے کہ بالا آخر پاکستان کرکٹ بورڈنے بھی بائیو مکینیکل لیپ بنا ہی لی ہے، بہت سے کھلاڑیوں کے کیریئر تباہ ہونے سے بچ جائینگے۔ ایک انٹرویومیں آف اسپنر سعید اجمل نے کہاکہ یہ بہت خوشی کی بات ہے کہ پاکستان بھی ان آٹھ ممالک میں شامل ہوگیا ہے جس کے پاس بائیو مکینیکل لیب موجود ہے۔انہوں نے کہا کہ پاکستان کرکٹ بورڈ کو بہت پہلے یہ اقدام اٹھانا چاہیے تھا تاکہ بہت سے کھلاڑیوں کے کیریئر تباہ ہونے سے بچ جاتے۔انہوں نے کہا کہ پچھلے سال پاکستان کرکٹ بورڈنے مشکوک ایکشن کی بنا پر پ45 کھلاڑیوں پرپابندی لگائی تھی وسائل نہ ہونے کے باعث یہ کھلاڑی بیرون ملک جا کر اپنے ایکشن چیک کرانے سے قاصر تھے ۔انہوں نے کہاکہ اب ان کھلاڑیوں کو امید کی ایک نئی کرن نظر آنے لگ گئی ہے کہ وہ اس بائیو مکینیکل لیب سے فائدہ اٹھا کر اپنے ایکشن درست کرسکتے ہیں۔انہوں نے کہا کہ بائیو مکینیکل لیب کی تنصیب سے کھلاڑیوں کو اعتماد ملے گا اور پاکستان کی کرکٹ ترقی کی راہ پر چلے گی۔