لاہور(آئی این پی)پی ایس ایل کی شاندار کامیابی کے بعد ایک اور دھماکہ خیز خبر،پاکستانی کرکٹ شائقین میں خوشی کی لہر دوڑ گئی، پاکستان کر کٹ بورڈ (پی سی بی )کا پاکستان کپ کی شاندار کامیابی کے بعد قومی ٹی ٹوئنٹی کپ بھی پی ایس ایل کی طرز پر سجانے کا فیصلہ کیا ہے، رواں سال 8 ٹیمیں ڈومیسٹک ٹی ٹو ئنٹی ایونٹ کی رونقیں بڑھائیں گی ۔ تفصیلات کے مطابق پاکستان سپر لیگ کی طرز پر پاکستان کپ ٹورنامنٹ کے فیصل آباد میں انعقاد سے حوصلہ افزا نتائج برآمد ہوئے ہیں، ایونٹ کے فائنل تک شائقین کی دلچسپی میں بتدریج اضافہ ہوتا گیا، ٹی وی پر بھی ناظرین کی توجہ حاصل ہوئی، جس کے بعد پاکستان کر کٹ بورڈ نے پی ایس ایل کی طرز پر قومی ٹوئنٹی 20ٹورنامنٹ کروانے کا فیصلہ کرلیا ہے،ذرائع کے مطابق رواں سال کے ڈومیسٹک ایونٹ میں مجموعی طور پر 8 ٹیمیں شریک ہونگی۔