اسلام آباد (آن لائن ) سپریم کورٹ نے 160پی ٹی سی ایل ملازمین کو پنشن اور دیگر مراعات کی عدم ادائیگی سے متعلق کیس میں عدالتی فیصلے پر عمل نہ کرنے پر پی ٹی سی ایل کو نوٹس جاری کرتے ہوئے کیس کی سماعت 13جون تک ملتوی کردی ،کیس کی سماعت جسٹس ثاقب نثار کی سربراہی میں تین رکنی بنچ نے کی ۔مقدمہ کی کارروائی شروع ہوئی تو درخواست گزار کے وکیل نے عدالت کو بتایا کہ پی ٹی سی ایل ملازمین کی پنشن اور دیگر مراعات سے متعلق عدالتی فیصلے پر تاحال عملدرآمد نہیں ہو رہا ،جس پر عدالت نے برہمی کا اظہار کرتے ہوئے کہا کہ بتایا جائے عدالتی احکامات پر عمل کیوں نہیں کیا گیا، عدالت نے پی ٹی سی ایل کو 13 جون تک جواب دینے کی ہدایت کرتے ہوئے کیس کی سماعت ملتوی کر دی ۔