اسلام آباد (آن لائن)صدر مملکت ممنو ن حسین نے قومی اسمبلی اور سینٹ کا مشترکہ اجلاس 2 جون کو طلب کر لیا ۔ صدر مملکت پارلیمنٹ کے مشترکہ اجلاس سے خطاب بھی کریں گے جبکہ صدر نے پیٹینٹ ترمیمی بل 2016 کی منظوری دی ہے ، سمری وزیر اعظم کی طرف سے ان کو بجھوائی گئی تھی ۔ تفصیلات کے مطابق پارلیمنٹ کا مشترکہ اجلاس 2 جون صبح گیارہ بجے بروز جمعرات کو طلب کر لیا ہے اس اجلاس کے دوران صدر خطاب بھی کریں گے اور ملکی اہم صورت حال پر اظہار خیال کریں گے جبکہ سینٹ کا اجلاس 3 جون ساڑھے چھ بجے جبکہ قومی اسمبلی کا بجٹ سیشن تین جون کو ہی ساڑھے چار بجے ہو گا ۔ وزیر خزانہ اسحاق ڈار بجٹ سیشن میں بجٹ پیش کریں گے ۔ صدر نے وزیر اعظم نواز شریف کی ایڈوائس پر دونوں ایوانوں کے اجلاس طلب کئے ہیں ۔