پیر‬‮ ، 29 دسمبر‬‮ 2025 

محمد حفیظ نے شکایت کردی، کس کی ؟ جانئیے

datetime 15  مئی‬‮  2016 |

لاہور( این این آئی)قومی ٹیم کے مایہ ناز کھلاڑی محمد حفیظ نے ملکی ٹی وی چینلز کے خلاف پیمرامیں اپنی شکایت درج کرادی ،پیمرا نے بھی معاملے کی تحقیقات کرنے کی یقین دہانی کرادی ۔پیمرامیڈیاڈیپارٹمنٹ کا کہناہے کہ محمد حفیظ گزشتہ ہفتے اسلام آبادمیں پیمراحکام سے ملے اور یہ معاملہ اٹھایاکہ کچھ چینلز نے اپنی ریٹنگ بڑھانے کیلئے ان پر الزام تراشی کی۔اس موقع پر محمد حفیظ نے کہاکہ میں ہمیشہ پوری ایمانداری کے ساتھ اور پاکستان کے سفیر کے طورپر کھیلا ہوںمگر من گھڑت کہانیاں میرے امیج کو خراب کررہی ہیںاور اس سلسلے کو فوری روکنا چاہیے ۔پیمرانے محمد حفیظ کو یقین دہانی کرادی ہے کہ وہ اس معاملے کی تحقیقات کرے گا۔واضح رہے کہ محمد حفیظ رواں سال فروری میں بنگلہ دیش میں کھیلے گئے ایشیا ءک2016 کے دوران ران کی ہڈی کی انجری کا شکار ہوگئے تھے مگر دردکش انجکشن لگواکرکھیلتے رہے تاہم بعدازاں بھارت میں کھیلے گئے آئی سی سی ورلڈٹی ٹونٹی کے آخری دومیچز نہیں کھیل پائے تھے۔آخری دونوں میچوں میں نہ کھیلنے کو پاکستانی ٹی وی چینلز نے ڈرامہ قرار دیتے ہوئے محمد حفیظ پر الزام لگایاتھا کہ وہ کپتان آفریدی کوناکام بنانے کیلئے جان بوجھ کر باہر بیٹھے تھے۔اس حوالے سے بتایاگیاہے کہ دردکے باوجود محمد حفیظ کھیلنا چاہتے تھے تاہم فٹنس ٹیسٹ میں ناکامی کے بعد مینجمنٹ نے انہیں باہربٹھایا کیونکہ وہ صحیح سے دوڑتک نہیں پارہے تھے۔ٹیم ذرائع کا کہناہے کہ محمد حفیظ کی انجری جعلی نہیں تھی اور نہ ہی کوئی بہانہ بنایاتھا۔ہمیں تو محمد حفیظ کے جذبے کی تعریف کرنی چاہیے کہ وہ تکلیف کے باوجود بھی کھیلتے رہے اور ورلڈ ٹی ٹونٹی کے میچز بھی کھیلنا چاہتے تھے۔ان پر جعلی انجری کا الزام لگانا سراسربہتان اور بغض وکینہ کی نشاندہی کرتا ہے۔

آج کی سب سے زیادہ پڑھی جانے والی خبریں


کالم



کام یابی کے دو فارمولے


کمرہ صحافیوں سے بھرا ہوا تھا‘ دنیا جہاں کا میڈیا…

وزیراعظم بھینسیں بھی رکھ لیں

جمشید رتن ٹاٹا بھارت کے سب سے بڑے کاروباری گروپ…

جہانگیری کی جعلی ڈگری

میرے پاس چند دن قبل ایک نوجوان آیا‘ وہ الیکٹریکل…

تاحیات

قیدی کی حالت خراب تھی‘ کپڑے گندے‘ بدبودار اور…

جو نہیں آتا اس کی قدر

’’آپ فائز کو نہیں لے کر آئے‘ میں نے کہا تھا آپ…

ویل ڈن شہباز شریف

بارہ دسمبر جمعہ کے دن ترکمانستان کے دارالحکومت…

اسے بھی اٹھا لیں

یہ 18 اکتوبر2020ء کی بات ہے‘ مریم نواز اور کیپٹن…

جج کا بیٹا

اسلام آباد میں یکم دسمبر کی رات ایک انتہائی دل…

عمران خان اور گاماں پہلوان

گاماں پہلوان پنجاب کا ایک لیجنڈری کردار تھا‘…

نوٹیفکیشن میں تاخیر کی پانچ وجوہات

میں نریندر مودی کو پاکستان کا سب سے بڑا محسن سمجھتا…

چیف آف ڈیفنس فورسز

یہ کہانی حمود الرحمن کمیشن سے شروع ہوئی ‘ سانحہ…