اسلام آباد (این این آئی)پاکستانی کرکٹر شرجیل خان نے کہاہے کہ دھمکیوں سے متعلق معاملہ کرکٹ بورڈ کو بتا دیا ہے۔ایک انٹرویو میں شرجیل خان نے کہاکہ دھمکیوں سے متعلق معاملہ کرکٹ بورڈ کو بتا دیا ہے جبکہ لاہور کی ڈانسر ہنی خان سے میری دوستی نہیں ٗپریشانی کی بات نہیں جو درست لگا وہی کیا، اس سے زیادہ بات کرنا مناسب نہیں سمجھتا کیونکہ کرکٹ بورڈ نے بھی اب مزید بات کرنے سے منع کر دیا ہے۔واضح رہے کہ پی سی بی کے اعلیٰ حکام شرجیل خان کے سوشل میڈیا پر انٹرویو سے ناراض ہیں اور ان کا موقف ہے کہ شرجیل خان کو معاملے سے متعلق پہلے پی سی بی کو آگاہ کرنا چاہئے تھا۔