لاہور( این این آئی) قومی کرکٹ ٹیم کے سابق کپتان وسیم اکرم نے کہا ہے کہ مکی آرتھر کے پاس کوئی جادو کی چھڑی نہیں جو وہ آتے ہی ٹیم کو پہلی پوزیشن پر پہنچا دیں گے، اگلے دو تین برس میں پاکستان ٹیم کو اوپر آنے میں مشکل ہوگی، اس لئے ہمیں اچھے نتائج کے لئے تھوڑا انتظار کرنا پڑے گا۔ ایک انٹر ویو میں وسیم اکرم نے کہا کہ قومی ٹیم کی جو صورتحال ہے وہ سب کے سامنے ہے اس لئے ہمیں نتائج کے لئے تھوڑا انتظار کرنا پڑے گا۔ انہوں نے کہا کہ مکی آرتھر کے پاس کوئی جادو کی چھڑی نہیں ہے جو وہ آتے ہی ٹیم کو پہلی پوزیشن پر پہنچا دیں گے، اگلے دو تین برس میں پاکستان ٹیم کو اوپر آنے میں مشکل ہوگی، اس لئے ہمیں اچھے نتائج کے لئے تھوڑا انتظار کرنا پڑے گا۔