لاہور (نیوز ڈیسک ) آسٹریلیا کے اسٹورٹ لا نے پاکستان کرکٹ ٹیم کا فل ٹائم کوچ بننے میں عدم دلچسپی ظاہرکردی۔ذرائع کے مطابق وہ مستقل طورپرذمہ داریاں سنبھالنے کے بجائے بطورکنسلٹنٹ کام کرنے کے خواہاں ہیں اور اس کے لئے بھی وہ ستمبرکے بعد ہی دستیاب ہوں گے۔ انگلینڈ کے پیٹرمورس کے انکارکے بعد لا کوعہدے کیلئے فیورٹ قراردیا جارہا تھا۔لا نے حال ہی میں کرکٹ آسٹریلیا کے ساتھ دورہ سری لنکا کے دوران بطوربیٹنگ کنسلٹنٹ کام کرنے کا معاہدہ کیا ہے۔اسٹورٹ لا کے انکار کے بعد کوچ بننے کی دوڑمیں ڈین جونز، اینڈی مولزاورمکی آرتھرباقی رہ گئے ہیں۔ ذرائع کے مطابق اگرفوری طورپرکسی غیرملکی امیدوار سے معاملات طے نہ پاسکے تو دورہ انگلینڈ کے لئے مشتاق احمد کوہیڈ کوچ کی عارضی ذمہ داری سونپی جاسکتی ہے۔