لاہور (مانیٹرنگ ڈیسک)پاکستان کرکٹ بورڈ نے دورہ انگلینڈ کے بوٹ کیمپ کیلئے قومی ٹیم کے 35 کھلاڑیوں کے ناموں کا اعلان کردیا ہے، کھلاڑیوں میں شاہد آفریدی، عمر اکمل اور احمد شہزاد جگہ نہ بنا سکے چیف سلیکٹر انضمام الحق نے دورہ انگلینڈ کیلئے قومی ٹیم اور اے ٹیم کے ناموں کا اعلان کر دیا ہے اور کہا کہ کیمپ کے لیے 35 لڑ کو ں کا اعلان کیا جا رہا ہے 30 سال سے بڑی عمر کا کو ئی بھی کھلا ڑی اے ٹیم میں شامل نہیں ہو گا۔ محمد حفیظ، احمد شہزاد، شاہد آفریدی اور عمر اکمل کے نام شامل نہیں ہیں جبکہ محمد حفیظ، شرجیل خان سمیت منتخب کئے گئے متعدد کھلاڑیوں کی ٹیم میں حتمی شمولیت بھی فٹنس سے مشروط کر دی گئی ہے۔ چیف سلیکٹر انضمام الحق کا کہنا ہے کہ سلیکشن کمیٹی آزاد ہے اور اپنے فیصلے خود کرے گی، ڈسپلن پر کوئی کمپرومائز نہیں کیا جائے گا۔ چیف سلیکٹر انضمام الحق نے پریس کانفرنس کے دوران ناموں کا اعلان کیا اور بتایا کہ دورہ انگلینڈ سے پہلے ٹریننگ کیمپ میں شمولیت کیلئے اظہر علی، شرجیل خان، خرم منظور، شان مسعود، یونس خان، مصباح الحق، اسد شفیق، شعیب ملک، بابر اعظم، حارث سہیل کو منتخب کیا گیا ہے اور ان کی شمولیت فٹنس کے ساتھ مشروط کی گئی ہے۔ مڈل آرڈرز میں خالد لطیف، فواد عالم، عبدالرحمان، اور آصف ذاکر کو منتخب کیا گیا ہے جبکہ آل راؤنڈز میں انور علی، بلاول بھٹی اور فاسٹ باؤلرز میں محمدعامر، راحت علی، عمران خان، سہیل خان، وہاب ریاض، جنید خان اورحسن علی کو منتخب کیا گیا ہے۔ انضمام الحق کے مطابق وکٹ کیپرز میں سرفراز احمد، محمد رضوان اور عدنان اکمل کو منتخب کیا گیا ہے جبکہ سپنرز میں یاسر شاہ، ذوالفقار بابر، محمد اصغر، عماد وسیم، بلال آصف اور ذوہیب خان منتخب ہوئے ہیں۔
انضمام الحق نے اس موقع پر اے ٹیم کیلئے منتخب کردہ ناموں کا اعلان بھی کیا جن میں بلے باز فہد زمان، جان علی، محمد وقاص، زین عباس، اسراراللہ مڈل آرڈر میں عمر امین، مزمل، سعود شکیل، عابد علی اور عمر صدیق شامل ہیں ان کی ٹیم میں شمولیت کو بھی فٹنس کیساتھ مشروط قرار دیا گیا ہے۔ آل راؤنڈرز میں محمد نواز، طیب اشرف اور عامر یامین ہیں جبکہ فاسٹ باؤلرز میں محمد عباس، عزیز اللہ، میر حمزہ، احمد جمال، عماد بٹ اور ضیاءالحق، وکٹ کیپنگ کیلئے سیف اللہ بنگش، محمد حسن اور سپنرز میں اسامہ میر، شاداب خان، عبیداللہ اور ظفر گوہر کو منتخب کیا گیا ہے۔ شاہد آفریدی اگر اچھی پر فارم کر تے ہیں تو ٹیم میں شمو لیت با رے سو چ سکتے ہیں اور میر ے خیا ل سے آفریدی کو آرام کر نے کا موقع دینا چا ہیے