لاہور(نیوز ڈیسک ) پاکستان کرکٹ بورڈ نے محمد عامر اور سلمان بٹ کو کو انگلینڈ کا ویزہ جاری کرنے کیلئے برطانوی کرکٹ بورڈ سے رابطہ کا فیصلہ کر لیا ہے۔ تفصیلات کے مطابق دورہ انگلینڈ کیلئے اگر قومی کرکٹ ٹیم میں سلمان بٹ اور محمد عامر کو شامل کیا گیا تو پھر پی سی بی انگلینڈ کرکٹ بورڈ سے رابطہ کرے گا اور دونوں کرکٹ بورڈز مل کر انٹرنیشنل کرکٹ کونسل (آئی سی سی) کے سامنے اس معاملے کو اٹھائیں گے اور دونوں کھلاڑیوں کو ویزہ جاری کرنے سے متعلق بات چیت کریں گے۔واضح رہے کہ دونوں کھلاڑی انگلینڈ میں ہی سپاٹ فکسنگ کے الزام میں دھر لئے گئے تھے جن کے ساتھ فاسٹ باؤلر محمد آصف تھی اور تینوں کرکٹرز کو سزائیں بھی سنائی گئی تھیں جن کے مکمل ہونے کے بعد محمد عامر کو تو ٹیم میں شامل کر لیا گیا جو ورلڈ ٹی 20 میں بھی پاکستان کی نمائندگی کر کے آئے ہیں تاہم سلمان بٹ کو سزا ختم ہونے کے بعد پہلی بار ٹیم میں شامل کرنے پر غور و فکر کیا جا رہا ہے۔