لاہور(نیوزڈیسک) پی سی بی نے نیشنل کرکٹ اکیڈمی کے کوچ مشتاق احمد کو قومی ٹیم کے عارضی ہیڈ کوچ کا اضافی چارج دینے کا فیصلہ کرلیا ،،وقار یونس کے مستعفی ہونے کے بعد قومی ٹیم کے ہیڈ کوچ کا عہدہ تاحال خالی ہے اور اس حوالے سے پی سی بی کے مختلف ملکی و غیر ملکی سابق ٹیسٹ کرکٹرز کے ساتھ مذاکرات جاری ہیں۔ دورہ انگلینڈ کیلئے اگر مستقل کوچ نہ ملا تو مشتاق احمد کو عارضی ہیڈ کوچ کے طور پر تعینات کرکے قومی ٹیم کے ہمراہ انگلینڈ بھیجا جائے گا۔ ذرائع کے مطابق مشتاق احمد قومی ٹیم کے مستقل کوچ کی تقرری تک نیشنل کرکٹ اکیڈمی کے ڈائریکٹر رہنے کے ساتھ ساتھ گرین شرٹس کے عبوری کوچ بھی رہیں گے جب کہ چیف سلیکٹر انضمام الحق نے بھی سابق لیگ سپنر کو عبوری کوچ بنانے کی حمایت کردی ہے ،مشتاق احمد نے آج سلیکشن کمیٹی کے اجلاس میں بھی شرکت کی تھی۔

سیاستدان چاہتے تھے کہ چھوٹُو مارا جائے لیکن چھوٹو پکڑا گیا، اب بہت سےانکشافات ہوں گے