کراچی(نیوز ڈیسک) قومی ٹیم کے سابق کپتان شاہد آفریدی کا کھانا گھرکا دورہ کیا اور اس موقع پر 20 لاکھ روپے امداد کا اعلان کردیا، جبکہ انہوں نے کھانا گھر اور میڈیکل کیمپ میں لوگوں سے ملاقات بھی کی۔کراچی کے علاقے خدا کی بستی میں واقع کھانا گھر کے دورے کے موقع پر شاہد آفریدی نے ادارے کے لئے بیس لاکھ روپے امداد کا اعلان کیا۔ اس کے علاوہ انہوں نے کھانا گھر کے حوالے سے سماجی کارکن پروین خاتون سے تفصیلات لیں اور علاقے میں قائم میڈیکل کیمپ کا دورہ کیا، جبکہ وہاں پر موجود مریضوں کو ملنے والی سہولیات کا جائزہ لیا۔