لاہور(نیوزڈیسک) ٹیسٹ ٹیم کے کپتان مصباح الحق نے انضمام الحق کو چیف سلیکٹر بنانے کے فیصلے کو خوش آئند قرار دیتے ہوئے کہا ہے کہ یہ فیصلہ یقیناًسود مند ثابت ہوگا۔ ایک انٹر ویو میں مصباح الحق نے کہا کہ انضمام الحق قومی ٹیم کے ساتھ طویل عرصہ تک وابستہ رہے ہیں اور انہیں چیف سلیکٹر بنانے کا فیصلہ خوش آئند ہے ۔ انہوں نے کہا کہ انگلینڈ کے خلاف سیریز بہت اہم ہے اور اس کے لئے فٹنس پر سخت محنت کر رہا ہوں ۔انہوں نے کہا کہ پاکستان کپ میں فیڈرل ٹیم کی کپتانی کررہا ہوں اور امید ہے کہ اس ٹورنا منٹ سے بھی کافی پریکٹس ہو جائے گی ۔