واشنگٹن ڈی (نیوزڈیسک)ورجینیا کے ایک 71سالہ معمر لیروئے ٹموتھی اینڈرسن نے امریکہ کے وفاقی تحقیقاتی ادارے (ایف بی آئی)ہیڈکوارٹر میں سی آئی اے کی ہدایت پر امریکہ کے 16ویں صدر ابراہام لنکن اورمہاتماگاندھی سمیت2239افراد کو سی آئی اے کے کہنے پر قتل کرنے کادعویٰ کیا ہے۔ایک امریکی اخبار کی رپورٹ کے مطابق امریکی ریاست ورجینیا کے رہائشی ایک 71سالہ معمر شہری نے آج پیر کی صبح ایف بی آئی ہیڈکوارٹر پہنچ کر یہ دعویٰ کیاہے کہ اس نے امریکی خفیہ ایجنسی سی آئی اے کے کہنے پر مختلف اوقات میں امر یکہ کے 16ویں صدر اورمہاتماگاندھی سمیت ابراہام لنکن سمیت 1678سے لے کر 2239افراد کو قتل کیا ہے۔لیروئے کے مطابق اس نے 35برس تک ”سفری قاتل ”کے طورپر کام کیاہے۔اس نے یہ تمام کام قانونی اور حکومت کے حکم پر کیے ہیں تاہم اسے یہ خوف بھی لاحق ہے کہ اس کے سابق مالک اس کا قصہ تمام کرنا چاہتے ہیں کیونکہ اس کے پاس بہت سے راز ہیں۔لیروئے نے دعویٰ کیا کہ وہ کرونس پراجیکٹمیں بھی شریک رہاہے۔لیروئے کے مطابق اس منصوبے کو سی آئی اے اور امریکہ کی سپیشل آپریشنزفورسز نے ڈیفنس ایڈوانسڈ ریسرچ پراجیکٹس ایجنسی (ڈارپا)کی نگرانی میں تیار کیا تھا۔اس انتہائی خفیہ پروگرام کے ذریعے افریقی امریکی شہری حقوق تحریک کے رہنما اور امریکی سیاہ فام وزیر مارٹن لوتھر کنگ جونیئر،جولیس سیزر اور مہاتما گاندھی سمیت1200سے زائد افراد قتل کیے گئے۔ایف بی آئی ڈائریکٹر جیمز کارنی نے میڈیا کو بتایا کہ یہ واضح طورپر ایک مسحور کن کہانی ہے۔مسٹر اینڈرسن نے نہ صرف صدر لنکن کو قتل کرنے کا دعویٰ کیا ہے بلکہ ان 12افراد کانام بھی لیاہے جن کا نام و نشان بھی نہیں ہے۔ان کا کہنا تھا کہ مجھے معلوم ہے سازشی عناصر ہم پر لنکن کے قتل پر پردہ ڈالنے کا الزام بھی عائد کریں گے لیکن اس کے باوجود ہم تفتیش نہیں کریں گے۔میرا خیال نہیں کہ اس شخص نے کسی ایک کو بھی قتل کیا ہو۔میرا خیال ہے اس شخص نے حقیقت کیساتھ رابطہ کھو دیاہے۔یاد رہے کہ ابراہام لنکن ایک ڈاکیے اور کلرک سے زندگی شروع کر کے امریکا کے 16ویں صدر بنے۔اپنی ذاتی محنت سے قانونی امتحان پاس کر لیا۔ وکالت کا پیشہ اختیار کیا۔ آہستہ آہستہ امریکن کانگرس کے رکن بن گئے۔1856 میں امریکا کی جمہوری جماعت میں شامل ہوئے۔1860 ءمیں امریکا کے صدر منتخب ہوئے۔1864 میں دوبار صدر منتخب ہوا۔ 1863 ءمیں حبشیوں کی آزادی کا اعلان کیا۔حبشیوں کو غلامی سے آزاد کرانے کی سر توڑ کوشش کی۔ابراہام لنکن انسان کو انسان کا غلام ہونا غیر فطری سمجھتے تھے۔1865ء میں کسی پاگل نے اسے اس وقت گولی مار کر قتل کر ڈالا جب وہ فورڈ تھیٹر میں ڈرامہ دیکھ رہے تھے۔اخبار کے مطابق ابراہام لنکن کو سٹیج اداکار جان وکلکیس بوتھ نے ایک سازش کے تحت ہلاک کیا۔امریکی فوج نے واقعہ کے ایک روز بعد ورجینیا کے ایک کھیت میں پناہ لینے والے بوتھ کو فائرنگ کرکے ہلاک کردیا تھا جبکہ دوسرے آٹھ افراد میں سے چار کو مقدمے کے دوران پھانسی دی گئی تھی۔