جمعہ‬‮ ، 27 مارچ‬‮ 2026 

افغان طالبان نے مرحوم سربراہ کے بیٹے کو اہم ذمہ داریاں سونپ دیں

datetime 6  اپریل‬‮  2016 |

کابل (نیوز ڈیسک) افغان طالبان نے اعلان کیا ہے کہ ان کے مرحوم سربراہ ملا محمد عمر کے بڑے بیٹے ملا محمد یعقوب نے ملک کے 34 میں سے 15 صوبوں میں “تحریک” کی کمان سنبھال لی ہے۔طالبان کی طرف سے جاری ایک بیان میں کہا گیا کہ ملا یعقوب کو فیصلہ ساز کونسل “رہبری شوریٰ” میں بھی شامل کر لیا گیا ہے۔گزشتہ جولائی میں ملا عمر کے انتقال کی خبر منظر عام پر آنے کے بعد طالبان میں قیادت کے معاملے کو لے کر شدید اختلافات پائے جاتے رہے ہیں۔ملا عمر کے قریبی ساتھی ملا اختر منصور کو طالبان نے اپنا سربراہ منتخب کیا تھا لیکن مختلف دھڑوں نے اس کی مخالفت کی جن میں ملا یعقوب اور ملا عمر کے بھائی ملا منان بھی شامل تھے لیکن سینیئر رہنماؤں کے ساتھ مشاورت کے بعد ان دونوں نے اہم ذمہ داریوں کے عوض اپنے اختلافات ختم کرنے کا اعلان کیا تھا۔بیان کے مطابق ملا عمر کے بھائی ملا عبدالمنان عمری کو بھی فیصلہ ساز کونسل میں شامل کیا گیا ہے۔اس تازہ بیان کے بعد ملا منصور کی طالبان تحریک پر گرفت کو تقویت حاصل ہو گی جو کہ اپنی نئی پرتشدد مہم شروع کرنے کا ارادہ رکھتی ہے۔افغانستان، پاکستان، امریکہ اور چین کے نمائندوں پر مشتمل ایک گروپ طالبان کے ساتھ مصالحتی عمل کی بحالی کے لیے کوشاں ہے اور توقع کی جا رہی تھی کہ بات چیت کا یہ سلسلہ آئندہ ماہ شروع ہو سکتا ہے۔لیکن طالبان کا کہنا ہے کہ ان کی پیشگی شرائط کے منظوری تک وہ بات چیت کے عمل میں شریک نہیں ہوں گے۔عسکری عہدیدار اور مبصرین اس خدشے کا اظہار کر چکے ہیں کہ اگر بات چیت کا عمل جلد بحال نہیں ہوتا تو آئندہ آنے والے دنوں میں افغانستان میں پرتشدد کارروائیوں میں مزید اضافہ ہوسکتا ہے۔



کالم



ہیکل سلیمانی


اللہ تعالیٰ کا حضرت دائود ؑ پر خصوصی کرم تھا‘…

مذہب کی جنگ(آخری حصہ)

اسرائیل میں میرا ایک دوست رہتا ہے‘ عمویل مطات‘…

مذہب کی جنگ(پانچواں حصہ)

برطانیہ نے دوسری جنگ عظیم کے بعد دنیا میں دو خطے…

مذہب کی جنگ(چوتھا حصہ)

یہودیوں اور مسلمانوں کے درمیان اختلاف واقعہ…

مذہب کی جنگ(تیسرا حصہ)

بخت نصر نے 586 قبل مسیح میں یروشلم پر حملہ کر کے…

مذہب کی جنگ(دوسرا حصہ)

بنی اسرائیل نے فلسطین واپسی کے بعد یہودا قبیلے…

مذہب کی جنگ

رچرڈ نکسن امریکا کے 37ویں صدر تھے‘ یہ بھی ڈونلڈ…

اینڈ آف مسلم ورلڈ

ہمیں ایران امریکا جنگ کے نتیجے کو سمجھنے کے لیے…

عربوں کا کیا قصورہے؟

ایف 35 دنیا کا مضبوط اور مہلک ترین فائٹر جیٹ ہے‘…

اختتام کا آغاز

’’ہمارے پاس صرف 35 سال ہیں‘ ہم ان میں جتنا جی…

امانت خان شیرازی

بادشاہ اس وقت برہان پور میں تھا‘ مغل دور میں…