کراچی(نیوز ڈیسک) عزیز بلوچ نے دوران تفتیش مزیدسنسنی خیز انکشافات کئے۔ تفتیشی ذرائع کے مطابق لیاری ندی میں لاشیں پھینکنے میں عزیربلوچ گروپ سے وابستہ عورتیں اہم کردار ادا کرتی تھیں جبکہ ایک خاتون کے پاس بھتے کی رقم جمع ہوتی تھی،عزیر بلوچ نے دورانِ تفتیش اپنی 8 ساتھی عورتوں کے نام بھی بتادئیے جو اسکے گروپ میں کام کرتی تھیں اور لیاری ندی میں پھینکی جانیوالی درجنوں لاشوں کے سلسلہ میں مذکورہ عورتیں ہی معاونت کرتی تھیں،یہ عورتیں فشریز، ماڑی پور ٹائر مارکیٹ، گارڈن اور گلشن اقبال سے جمع ہونیوالا بھتہ’عینی‘کے پاس جمع کراتی تھیں اور اس عورت کے پاس 6 کروڑ سے زائد بھتے کی رقم جمع تھی۔عزیز بلوچ نے مزید انکشاف کیا کہ یہ عورتیں مخالف گروپ کے لڑکوں کو فون پر دوستی کرکے بلاتی تھیں جبکہ ان خواتین کے ذریعے ٹیکسی میں اسلحہ ودیگر سامان بھی شہربھرمیں پہنچایا جاتا تھا۔