واشنتٹن( نیوز ڈیسک )امریکا کی صدارت کا خواب دیکھنے والے ارب پتی پراپرٹی ٹائیکون ڈونلڈ ٹرمپ اتوار کی رات ایک اور یہودی بچے کے نانا بن گئے۔ اس خبر کا اعلان ٹرمپ کی بیٹی اور بچے کی ماں ایوانکا نے اپنے ٹوئیٹر اکاو¿نٹ پر کیا۔ ایوانکا اپنے والد ٹرمپ کی پہلی بیوی سے ہیں، ٹرمپ نے چیکوسلواکیہ سے تعلق رکھنے والی ایوانا سے 1977 میں شادی کی تھی اور پھر 1992 میں طلاق دے دی۔ ڈونلڈ ٹرمپ کی 31 سالہ بیٹی ایوانکا کے ٹوئیٹر اکاونٹ کے 18.5 لاکھ فالوورز ہیں۔ ایوانکا ٹوئیٹر اکاونٹ پر اپنی تصویر پوسٹ کی ہے جس میں اس نے نومولود بچے کو گود میں لے رکھا ہے۔سماجی رابطے کی ویب سائٹ پر ٹرمپ اور ان کی بیٹی کے لیے مبارک باد کے سیکڑوں پیغامات وصول ہوئے۔ ان میں بعض لوگوں نے ننھے “تھیوڈور جیمز” کو ٹرمپ کی انتخابی مہم کے لیے نیگ شگون قرار دیا۔ جیکی نامی ایک لڑکی کا کہنا تھا کہ : “خدا کا شکر ہے، ایک نیا یہودی بچہ دنیا میں آیا”