دبئی (نیوزڈیسک)متحدہ عرب امارات کی ایک اعلیٰ عدالت نے جنگجوو¿ں سے تعلق اور ملک میں دہشت گردی کے حملوں کی سازش کے الزام میں گیارہ افراد کو قصور وار قرار دے کر عمر قید کی سزائیں سنانے کا اعلان کردیا۔میڈیا رپورٹ کے مطابق ابو ظبی میں قائم وفاقی عدالت عظمیٰ نے اسی مقدمے میں دو اور افراد کو پندرہ سال ،تیرہ کو دس سال اور چھے کو تین سال اور دو کو پانچ،پانچ سال قید کی سزائیں سنائی ہیں ¾سات مدعا علیہان کو بری کردیا گیا ہے۔عدالت میں استغاثہ نے ان 41مدعاعلیہان پر الزام عاید کیا تھا کہ وہ متحدہ عرب امارات میں حکومت کا تختہ الٹ کر داعش کی طرز کی خلافت قائم کرنا چاہتے تھے۔سزایافتہ دو مجرموں کے خلاف ان کی غیر حاضری میں مقدمہ چلایا گیا ہے۔خلیج ٹائمز نے اپنی رپورٹ میں کہا کہ ان مدعا علیہان کو ملک بھر میں دہشت گردی کے حملوں کی سازش کے الزام میں قصور وار قرار دیا گیا ¾وہ ملک اور اس کی قیادت سمیت عوام کی زندگیوں کے تحفظ اور سلامتی کو خطرے سے دوچار کرنے کے بھی مجرم پائے گئے ہیں۔وہ ریاست کے ڈھانچے اور نجی املاک کو نقصان پہنچانا چاہتے تھے۔