لاہور(نیوزڈیسک)خود کش دھماکہ،لاہور میں تباہی مچ گئی، لاہور کے علاقے اقبال ٹاو¿ن میں واقع گلشن اقبال پارک میں خود کش دھماکے سے 12 افراد جاں بحق جبکہ متعدد زخمی ہو گئے ہیں۔ زخمی ہونے والے افراد میں خواتین اور بچوں کی بڑی تعداد شامل ہے۔ خود کش دھماکا اس قدر شدید تھا کہ اس سے پورا علاقہ دہل کر رہ گیا اور ہر طرف افراتفری پھیل گئی۔ پولیس کے مطابق یہ دھماکا گلشن اقبال پارک کے گیٹ نمبر ایک کے قریب ہوا۔ دھماکے کی اطلاع ملتے ہی پولیس کی بھاری نفری اور امدادی ٹیمیں جائے حادثہ پر پہنچ چکی ہیں جنہوں نے علاقے کو مکمل گھیرے میں لے کر سیل کر دیا ہے۔ امدادی ٹیموں کا کہنا ہے کہ دھماکے سے متعدد افراد زخمی ہیں جنھیں ایمبیولینسوں کے ذریعے لاہور شہر کے مختلف ہسپتالوں میں منتقل کیا جا رہا ہے۔ ہسپتالوں میں زخمیوں کو لانے کا سلسلہ جاری ہے۔ لوگ اپنے پیاروں کو رکشوں میں ڈال کر بھی ہسپتال منتقل کر رہے ہیں۔ لوگ ہسپتالوں میں اپنے پیاروں کو ڈھونڈ رہے ہیں۔ خود کش دھماکے میں ساٹھ سے زائد افراد زخمی ہیں جنھیں مختلف ہسپتالوں میں منتقل کر دیا گیا ہے۔