نئی دہلی (نیوز ڈیسک) کشمیر سے لیکر کنیا کماری تک ہندوستان کو ایک مضبوط ملک قرار دیتے ہوئے وزیراعظم نریندر مودی نے کہا کہ ملک کو متحد رکھنے کا سہرا ہندوستان کے پہلے وزیر داخلہ سردار پٹیل کو ہے جن کی دور اندیشی سے ہی جموں کشمیر سمیت دوسری کئی ریاستیں ہندوستان کے وفاق کا حصہ بن گئیں۔ بھارتی میڈیا کے مطابق صحافیوں سے گفتگو کرتے ہوئے وزیراعظم نے اس بات کو دوہرایا ہے کہ بی جے پی اور مرکزی حکومت ملک کی سالمیت و یکجہتی کے ساتھ کسی بھی طرح کا سمجھوتہ نہیں کرے گی۔ کانگریس پرستی شہرت حاصل کرنے کیلئے مرکزی کی این ڈی اے حکومت کو بدنام کرنے کا الزام لگاتے ہوئے وزیراعظم نے کہا کہ اب کانگریس کے پاس کوئی ایجنڈا ہی نہیں ہے۔ کنیا کماری تک ہندوستان متحد رہا ہے۔ سال 1947ءکے واقعات کا حوالہ دیتے ہوئے وزیراعظم نے کہا کہ جب اس وقت ہندوستان میں سیاسی غیر یقینی کا ماحول تھا اور کئی ریاستیں جن میں جموں کشمیر بھی شامل تھی ہندوستان کے وفاق سے الگ ہونے کی کوشش میں تھی لیکن سردار پٹیل کی دور اندیشی اور ان کی ذہانت سے جموں کشمیر سمیت کئی دوسری ریاستیں جو کہ شہزادوں کے زیر فیصلہ تھی ہندوستان کے وفاق کا حصہ بن گئیں