کر ا چی(نیوز ڈیسک)و زیر اعظم نریندر مودی اور ا ن کے وزرا نے غیر ملکی دوروں پر ایک سال میں پانچ ارب 67کروڑ روپے خرچ کر ڈالے ۔بھارتی اخبار کے مطابق مالی سال2015-16کے دوران بھارتی وزیر اعظم اوران کی کابینہ نے غیرملکی دوروں پر 567 کروڑ روپےخرچ کیےجو کہ گزشتہ مالی سال کے مقابلے میں80فی صد زیادہ ہیں۔اخبار نے بجٹ دستاویزات کا حوالہ دیتے ہوئے کہا کہ اس کے علاوہ 500 کروڑ سے زائد کے اخراجات شاہی بیوروکریسی کے ہیں جو انہوں نے اوسطا ہر سال اپنے غیر ملکی سفر پر خرچ کیے۔ رواں مالی سال کے شروع میں بجٹ میں وزیر اعظم اور کابینہ کے غیر ملکی دوروں کے لئے 269 کروڑ روپے کے اخراجات کاتخمینہ لگایا گیا جوبڑھ کر567 کروڑ روپےپر چلے گئے۔جنگ رپورٹر رفیق مانگٹ کے مطابقاس کے علاوہ بھارتی بیوروکریٹس نے گزشتہ تین برس میں غیر ملکی دوروں پر 15ارب روپے خرچ کر ڈالے۔مودی کابینہ 64وزرا پر مشتمل ہے جب کہ وزیراعظم کی معاونت کےلئے کابینہ سیکرٹریٹ میں ملازمین کی تعداد1201ہے۔