اسلام آباد (نیوزڈیسک) وفاقی وزیر منصوبہ بندی احسن اقبال نے کہا ہے کہ ملک دوبارہ کسی دھرنے کا متحمل نہیں ہو سکتا ،عدالتی فیصلے کی روشنی میں پرویز مشرف کو باہر جانے کی اجازت دی گئی ہے۔جمعہ کو میڈیا سے گفتگو کرتے ہوئے احسن اقبال نے کہاکہ جنرل مشرف نے پہلے عدالتوں کو روندا پھرانہی عدالتوں میں پیش ہوئے، ہم نے پہلی مرتبہ آمر کو عدالت میں پیش ہونے ہر مجبور کیا ¾مشرف کو جانے سے روکتے تو تب بھی لوگ باتیں کرتے، مشرف میں عدالتوں کا سامنا کرنے کی اخلاقی جرات ہونا چاہئی تھی تاہم وہ ہسپتالوں میں چھپتے رہے ہیں۔احسن اقبال نے کہا کہ پاکستان کی معیشت بہتر ہوئی اور ملک میں امن لوٹا ہے ایسے میں ہم کسی قسم کے دھرنے اور داخلی بحران کے متحمل نہیں ہو سکتے ہیں۔ایک سوال کے جواب میں احسن اقبال نے کہاکہ جنرل مشرف جن عدالتوں کو بوٹوں تلے روندتے تھے انہی عدالتوں کے آگے سرنڈر کیا،جنرل مشرف کو نہ جانے دیتے تو تنقید کرنے والے ہمیں کہتے کہ حکومت اپنی ضد اور انتقام کو آگے لائی ¾وہ سنگدل اور ظالم ہے۔وفاقی وزیر احسن اقبال نے کہا کہ اب اگر عدالت نے انہیں رعایت دی ہے تو ہمارے پواس دو راستے تھے ، نہ جانے دیتے توظالم ، اب جانے دئے ہے تو اعتراض کیا جارہا ہے۔انہوںنے کہاکہ جنرل مشرف تو ملک میں شہزادوں کی طرح رہے ، ہمارے سروں پر تو انہوں نے دہشتگردوں والے ہڈ بھی پہنائے،ان میں خوداتنی اخلاقی جرات ہونی چاہئے تھی کہ ملک کے اندر رہتے اور مقدمات کا سامنا کرتے۔احسن اقبال نے کہاکہ پرویز مشرف بلوچستان اور فاٹا سمیت پاکستان میں کیئے گئے گناہوں کی پکڑ میں آئیں گے ۔