اسلام آباد(نیوز ڈیسک) معروف قانون دان عاصمہ جہانگیر نے کہا ہے کہ حکومت چاہتی تو مشرف کو باہر نہ جانے دیتی، اگر حکومت بضد ہوتی تو ان کا نام ای سی ایل میں ڈالتی ، چونکہ مشرف کا معاملہ ٹینشن پیدا کر رہا تھا،حکومت نے بڑی عقلمندی کا مظاہرہ کیا ہے۔ایک ٹی وی چینل سے گفتگو کرتے ہوئے انہوں نے کہا کہ اگر کسی ایسے شخص کیلئے غداری کا لفظ استعمال کیا جائے جو ملک کیلئے جان دینے کا عزم رکھتا ہو تو یہ غلط ہوگا۔ آپ اس کو ڈیکٹیٹر شپ کہہ سکتے ہیں لیکن غداری کہنا بالکل غلط ہے۔ان کا کہنا تھا کہ وزیراعظم نواز شریف نے پرویز مشرف کو بیرون ملک جانے کی اجازت دے کر بڑے پن کا مظاہرہ کیا۔اگر مشرف کو ہی ملزم بنانا ہے تو ساتھیوں کو بھی مقدمے میں نامزد کیاجائے۔ انہوں نے کہا کہ پاکستان میں ملٹری سول معاملات میں ٹینشن کو کم کرنا چاہئے۔ ملٹری کو سمجھایا جائے کہ جتنے آپ محب وطن ہیں اتنے ہی ہم ہیں۔مشرف کو سزا دینی ہے تو ڈکٹیٹرشپ کی دی جائے ،لیکن غداری کی بات کرنا غلط ہے۔