لاہور(نیوز ڈیسک) سابق کرکٹر اعجاز احمد نے کہا ہے کہ پاکستانی ٹیم بھارت کےخلاف بھرپور جوش اور اسے ورلڈ کپ سے آﺅٹ کرنے کی منصوبہ بندی کر کے میدان میں اترے ، شاہد آفریدی نے اچھاکم بیک کیا ہے اور انہیں اوپر کے نمبروںں پر ہی کھیلنا چاہیے ۔ لاہو رہائیکورٹ بار میں میڈیا سے گفتگو کرتے ہوئے اعجاز احمد نے کہا کہ پوری قوم ایک جان ہو کر قومی کرکٹ ٹیم کے ساتھ کھڑی ہے ۔کولکتہ کی گراﺅنڈ میں صرف پاکستان ہی نہیں بھارتی ٹیم پر بھی بہت دباﺅ ہوگا۔ بھارتی ٹیم نیوزی لینڈ کے ہاتھوں شکست کے بعد ذہنی دباﺅ کا شکار ہے جبکہ پاکستانی ٹیم نے پہلے میچ میں جس طرح بنگلہ دیش کے خلاف کارکردگی دکھائی ہے اسے بھارت پر سبقت حاصل ہے اور ایسے ماحول میں بھارت کو ہرانا کوئی مشکل کام نہیں۔ انہوں نے کہا کہ قومی ٹیم کو بھارت کے خلاف تمام شعبوں میں غیر معمولی کارکردگی دکھا کر اسے ورلڈ کپ سے آﺅٹ کرنے کی منصوبہ بندی کیساتھ میدان میں اترنا چاہیے ۔ انہوں نے مزید کہا کہ عمران خان نے بھارت کو کہا تھاکہ کشمیر کا فیصلہ کرنا ہے تو کرکٹ گراﺅنڈ میں آجاﺅ ۔ انہوں نے مزید کہا کہ شاید آفریدی نے اچھا کم بیک کیا ہے ،آفریدی کو ٹاپ آرڈر کے نمبروں پر ہی کھیلنا چاہیے جس کے اچھے نتائج نکلیں گے ۔